بریكارێ وەزارەتا ساخلەمییا هەرێمێ ڕاگەهاند، نەخۆشییا كۆلێرایێ ل هەموو باژێڕێن هەرێمێ بەلاڤبوویە و زۆرترین حالەت ل سلێمانییێ هاتینە تۆماركرن.
دكتۆر ڕەهێل فرەیدوون، بریكارێ وەزارەتا ساخلەمییا هەرێمێ دیاركر، ئەڤسالە بەراورد ب سالا بووری توشبوون ب نەخۆشییا كۆلێرایێ كێمترە، لێ نیشانێن وێ تۆندترن و ل هەموو باژێڕێن هەرێمێ بەلاڤبوویە و پترین حالەتێن وێ نەخۆشییێ ل پارێزگەها سلێمانییێ هاتینە تۆماركرن.
ئاشكەرا ژی كر، نەخۆشییا كۆلێرایێ گەلەك ئەگەر هەنە، لێ ئاڤا پیس ئەگەرەكێ سەرەكی یە و هەرسال ل هەیڤا حوزەیرانێ هەتا دوماهییێن هەیڤا ئیلۆنێ، نیشانێن توشبوونێ ب وێ نەخۆشییێ ل هەرێما كوردستانێ زێدەدبن.