ئاکرێ نیوز
بەرهەمێ نوی چاپکری یێ نڤیسکار و وەرگێر ( شەمال ئاکرەیی ) لژێر ناڤێ ( مرنا دویێ +و دەهـ چیرۆکێن دی ) وەرگێران ژ ئینگلێزی، کەڤتە بەردەستێ خوینەر و ناڤا پەرتوکخانا کوردی دا.
نڤیسکار شەمال ئاکرەیی لدۆر ڤی بەرهەمی دیارکرییە کو :" من هژمارەکا باش یا چیرۆکان وەرگیڕاینە، لێ من خوەست ڤان 11 کورتە چیرۆکان دڤێ کۆمێدا ب ناڤێ ( مرنا دویێ+ 10 چیرۆکێن دی ) چاپ بکەم و چیرۆکێن دی، دێ هێلم بۆ هند دەلیڤەیێن دی.
ئەڤ کوما، چیرۆکان ب تنی میناکەکە ژبۆ کورتە چیرۆکا ئینگلیزی کو ژ ئالیێ 10 ژ چیرۆکنفیسان ڤە هاتینە نفیسین ( دو ژ وان یێن ئێک چیرۆکنڤیسن ) و رێزبەندییا وان ل گۆری کەڤنترین تا نووترین تێکست من دانایە.
هەڤدەم نڤیساری ئەڤ چەند ژی دیارکرییە کو شێواز و مژارێن ڤان چیرۆکان ل گۆری وان ئەتمۆسفێرێن چیرۆکنڤیسان د دارێژتنێن خوە دا ئاڤاکرین ژ هەڤ د جودانە و دێ شێم بێژم هەر چیرۆکەک مرۆڤی دبەتە جیهانەکا جودا ژ چیرۆکێن دی.
تێزاین نڤیسکار شەمال ئاکرەیی ئەڤە بەرهەمێ 13ێ یە چاپ کری و ب هەرسێ زمانێن کوردی و ئەرەبی و ئینگڵێزی پەرتووک ب چاپ گەهاندینە و بەرهەمێن ناڤبری ژ هەلبەست و چیروک و رومانان پێک دهێن، زێدەباری ڤێ چەندێ 10 بەرهەمێن دیتر یێن نڤیسکاری دبەرهەڤن ژبۆ ب چاپگەهاندنێ.