شاندا پارتى دیمۆکراتى کوردستان ل بەغدایێ یە دو کۆمبوونێن گرنگ کرینە، ئێک ژ وان ل گەل لەتیف رەشید، سەرۆککۆمارێ ئیراقێ بوو، شاند جودا ل گەل نوورى مالکى ژى کۆمبوویە.
ئەڤرۆ شاندا دانوستاندکار یا پارتى پێکهاتییە فازل میرانى، بەرپرسێ دەستەیا کارگێرى یا مەکتەبا سیاسى، فوئاد حسێن، ئەندامێ مەکتەبا سیاسی، نەوزاد هادی، ئەندامێ مەکتەبا سیاسی، ئومێد سەباح، ئەندامێ کۆمیتەیا ناڤەندی یا پارتی و فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا.
ئەڤرۆ ل گەل لەتیف رەشید، سەرۆککۆمارێ ئیراقێ کۆمبوو، هەروەسا ل گەل نوورى مالکى سەرۆکێ هەڤپەیمانییا دەولەتا یاسایێ کۆمبوو، پشکا کوردان د حکومەتا بهێت دا، پاشەرۆژا ئیراقێ، ئستحقاقا پارتى وەک سەرکەفتییا ئێکێ یا هەلبژارتنان بەحسکرن.
سەرەدانا شاندا پارتى ل دەمەکى یە بزاڤ بۆ پێکئینانا حکومەتا ئیراقێ دهێنەکرن و ئالى بزاڤا لێکنێزیککرنێ ل گەل ئێک و دو دکەن.