سەرۆک بارزانى ل گەل نوینەرێ تایبەتێ سکرتێرێ گشتى یێ نەتەوەیێن ئێکگرتى ل ئیراقێ کۆمبوو، سەرۆک بارزانى سوپاسییا وى کر بۆ بزاڤێن وان بۆ بەرهنگاربونا ئاستەنگان.
بارەگەهێ بارزانى راگەهاند، ئەڤرۆ سەرۆک بارزانى ل پیرمام ل گەل محەمەد ئەلحەسسان، نوینەرێ تایبەتێ سکرتێرێ گشتى یێ نەتەوەیێن ئێکگرتى و سەرۆکێ هنارتییێ یۆنامى ل ئیراقێ کۆمبوو.
د دیدار و کۆمبوونێ دا کو نوینەرێ سکرتێرێ گشتى یێ نەتەوەیێن ئێکگرتى و سەرۆکێ هنارتییێ یۆنامى ل ئیراقێ ژبەر دوماهى هاتن ب رەکێ وى و ب مەرەما مالئاڤاهییێ سەرەدانا سەرۆک بارزانى کربوو، سوپاسى و پێزانێن خۆ بۆ پشتەڤانییا بەردواما سەرۆک بازرانى نیشان دا کو هەردەم ژبۆ سەرخستن و پێشڤەچوونا ئیراقێ ئەرکێن وى پشتەڤان بوویە.
هەروەسا بارەگەهێ بارزانى دیارکر، هەر د دیارێ دا سەرۆک بارزانى سوپاسییا هنارتییێ تایبەتێ رێکخستنا نەتەوەیێن ئێکگرتى کر بۆ وان بزاڤێن ب مەرەما بەرهنگاربوونا ئاستەنگان ل ئیراقی و پشتەڤانى بۆ سەرخستنا پرۆسەیا سیاسى و هەماهەنگییا ناڤبەرا ئالیێن سیاسى یێن ئیراقێ و پێکئینانا ئیراقێ ژبۆ دەستەبەرکرنا ئارامى و گۆشگۆزەرانیێ بۆ گەلێن ئیراقێ و هیڤییا سەرکەفتنێ بۆ وى د ئەرکێن بهێن دا خواست.