سەرۆکوەزیر مەسروور بارزانی، پێشوازی ل کۆنسولێ گشتی یێ نوی یێ کۆمارا پۆلەندا ل هەرێما کوردستانێ کر.
چارشەمبییێ 17ێ کانوونا ئێکێ 2025ێ، مەسروور بارزانی، سەرۆکوەزیرێ هەرێما کوردستانێ پێشوازی ل ماجێیز زایدەل، کۆنسولێ گشتی یێ نوی یێ کۆمارا پۆلەندا ل هەرێما کوردستانێ کر.
سەرۆکاتییا حکومەتا هەرێمێ دیارکر، د دی دارێ دا، سەرۆکێ حکومەتێ پیرۆزباهییا دەستبکاربوونێ ل کۆنسولێ گشتی یێ نوی کر و هیڤییا سەرکەفتنێ بۆ خواست، هەروەسان پشتەڤانییا حکومەتا هەرێما کوردستانێ بۆ سەرخستنا ئەرکێ وی دوپاتکر.
حکومەتا هەرێمێ گۆت: ژ ئالییێ خۆ ڤه، کۆنسولێ گشتی یێ پۆلەندا بەرهەڤییا وەلاتێ خۆ بۆ پێشئێخستنا پەیوەندییان ل گەل هەرێما کوردستانێ د وارێن جودا-جودا دا، ب تایبەتی د وارێن بازرگانی و خواندنێ دا دیار کر.