ئەڤرۆ دوشەمبی 4ی تەباخا 2025 ێ" ل سەلاحەددین سەرۆک مەسعود بارزانی پێشوازی ل خالد ئەحمەد مەنسور بالیۆزێ شاهنشینا بەحرەینێ ل عێراقێ کر.
بەحسێ رەوشا سیاسی و داوی گۆهورینێن ل سەر ئاستێ دەڤەرێ و عێراقێ و پەیوەندییێن دناڤبەرا هەرێما کوردستانێ و حکومەتا عیراقێ هاتە كرن.
بالیۆزێ بەحرەینێ سوپاس و پێزانین هەبوون بۆ ڕۆل و پێگەهـ و حیکمەتا سەرۆک بارزانی د ئیدارەدانا هەرێما کوردستانێ و ئەو پێگەهێ ب هێز یێ کو هەرێما کوردستانێ هەیی، هەروەسا پشتەڤانییا حکومەتا بەحرەینێ بۆ هەرێما کوردستانێ دوپاتکر و ئاماژە ب هندێ دا كو بۆ پێشڤەبرنا پتر یا پەیوەندییێن ئابۆری دناڤبەرا هەرێما کوردستانێ و وەلاتێ بەحرەینێ مە کار ل سەر هندێ کرییە د دەمەكێ نێزیکدا هێلا ئەسمانییا بەحرەینێ دێ دەست ب گەشتان كەت ب شێوەكێ راستەوخۆ ل پایتەختێ بەحرەینێ بۆ هەولێرێ، هەروەسا باڵیۆزێ بەحرەینێ دیار كر: ئەو بزاڤان دكەن د داهاتی دا کونسولخانا بەحرەینێ ل هەولێرێ ڤەكەن.