ئەڤرۆ ئێکشەمبی 3 ی تەباخا 2025 ێ" ل سەلاحەددین سەرۆك مەسعود بارزانی پێشوازی ل تۆماسۆ سانسۆنی كونسولێ گشتییێ ئیتالیا ل هەولێرێ كر.
سەرۆک بارزانی ئاماژە ب هندێ دا" کو هەرێما کوردستان ب گرنگیڤە بەرێ خۆ ددەتە پەیوەندیێن خۆ ل گەل ئیتالیا و هەردەم رۆلێ حکومەتێ و گەلێ ئیتالییا بەرامبەر هەرێما کوردستانێ بلند دنرخینیت، هەروەسا سەرۆک بارزانی ئاماژە ب رۆل و پشتەڤانییا ئیتالیا دا بۆ هەرێما کوردستانێ ل شەرێ دژی تیرۆرستێن داعشێ و گۆت" هەرێما کوردستانێ پشتەڤانییا ئیتالیا بۆ هەرێما کوردستانێ ژبیرناکەت.
کونسولێ گشتییێ ئیتالیا تەكەزی ل سەر پشتەڤانییا حکومەتێ و گەلێ ئیتالیا بۆ هەرێما کوردستانێ و پێشڤەبرنا پەیوەندییێن دناڤبەرا هەرێما کوردستانێ و ئیتالیا دا د وارێن جودا دا كر.
هەروەسا بەحسێ داوی پێشهات و تەحەددی و رەوشا سیاسی و گوهۆرینێن ل سەر ئاستێ دەڤەرێ و عێراقێ و پەیوەندییێن حکومەتا هەرێما کوردستانێ و حکومەتا عێراقا و پرۆسا ئاشتییێ ل تورکیا و ئاڵۆزییێن سورییێ هاتنە كرن و تەكەزی ل سەر پێشڤەبرنا پەیوەندییێن دۆستانە دناڤبەرا گەلێ کوردستانێ و گەلێ ئیتاڵیا هاتە كرن.