ئەڤرۆ دوشەمبی 4ی تەباخا 2025 ێ" ل سەلاحەددین سەرۆك مەسعود بارزانی پێشوازی ل كریستیەن هۆهمەن بالیۆزا ئەڵمانیا ل عێراقێ كر.
باڵیۆزا ئەڵمانیا ب مەرەما خاترخواستنێ و ب دووماهی هاتنا ئەرکێ وێ سەرەدانا سەرۆک بارزانی کربوو.
سەرۆک بارزانی سوپاسییا ڕۆلێ ئەڵمانیا و ئێكەتییا ئورۆپا کر بۆ پشتەڤانی ل قەوارێ دەستورییێ هەرێما کوردستانێ، سەرۆک بارزانی تایبەت ب پەیوەندییێن هەرێمێ و حکومەتا فیدرالی ئاماژە ب هندێ دا کو ڤەگەریان بۆ پڕەنسیپێن تەوافقێ و تەوازنێ و شەراکەتێ باشترین چارەسەرییە و مە دڤێت دەستوور بهێتە بجهئینان، سەرۆک بارزانی گۆت ژی: مە تشتەكێ زێدەتر ژ چارچوڤێ دەستوری داخواز نەکرییە" بەلێ ب کێمتر ژی ژ هندێ رازی نابین" كو دەستوری ب گەل و هەرێما کوردستانێ دایە و دەربارەیی پێنگاڤێن پێکئینانا کابینا نوو یا حکومەتا هەرێمێ سەرۆک بارزانی گۆت: پشتی کۆمبوونا هەردو مەکتەبێن سیاسییێن پارتی دیموکراتی کوردستان و ئێكەتی نیشتمانی کوردستان تێگەهشتنەكا باشتر هەیە بۆ پێکئینانا کابینا نوو یا حکومەتا هەرێمێ و هیڤیدارین پێش هەلبژارتنێن پەرلەمانێ عێراقێ کابینا نوو یا حکومەتا هەرێمێ بهێتە پێکئینان.