وه‌زاره‌تا بازرگانى و پیشه‌سازییا هه‌ریمێ راگه‌هاند، زێده‌تر ژ 79%ێ یا وه‌لاتیێن پارێزگه‌ها دهۆكێ پسوولێن خۆ یێن ئاهێن خوارنێ ل ئه‌پلیكه‌یشنى تۆماركرینه و ئاشكراكر، وه‌لاتییان بتنێ 22 رۆژ ماینه بۆ تۆماركرنێ، به‌رۆڤاژى دێ ئه‌رزاقێ وان هێته بڕین.
نه‌وزاد شێخ كامل، رێڤه‌به‌رێ گشتى یێ بازرگانییا هه‌رێمێ گۆت: تۆماركرنا پسوولا ئاهێن خوارنێ ب رێكا ئه‌پلیكه‌یشنى به‌رده‌وامه و تا 25ى ڤێ مه‌هێ وه‌لاتى دشێن خۆ تۆمار بكه‌ن.
هه‌روه‌سا ئاشكراكر، تا نوكه ل سه‌رانسه‌رى پارێزگه‌ها دهۆكێ زێده‌تر ژ 79%ێ وه‌لاتییان خۆ تۆماركرییه و رێژه‌یه‌كا مه‌زن یا وه‌لاتیان ژى هێشتا ماینه و خۆ تۆمار نه‌كرینه.
ل سه‌ر ئاستێ پارێزگه‌هێن هه‌رێمێ ژى رێژه 83%ێ یه و ل هه‌له‌بجه 88%ێ ده‌ربازكریه و سلێمانیێ ژى 83%ێ یه و هه‌روه‌سا ل هه‌ولێر 84 و ل پارێزگه‌ها دهۆكێ ژ 79 ده‌ربازكریه.
وه‌لاتى ئاگه‌هدار كرن كو پشتى ڤێ درێژكرنێ ئێدى ده‌م ناهێته درێژكرن و هه‌ر وه‌لاتییه‌كێ پسوولا خۆ تۆمار نه‌كه‌ت ئێدى ئاهێن خوارنێ وه‌رناگریت.