رێڤەبەریا هاتنوچوونا ئاکرێ پلانەکا نوی دانایە بۆ سەلامەتی و پاراستنا شۆفێر و ولاتیان ب گشتی و تایبەت یێن سنوورێ ئاکرێ ئەو ژی ب دانانا هژمارەکا کامیرێن لەزاتیا هاتنوچوونێ ل جهێن گرنگ و مەترسی ل سەنتەر و دەوروبەرێن قەزای.
رێڤەبەریا هاتنوچوونا ئاکرێ دیارکر، بۆ ئێکەم جارە د دیرۆکا قەزا ئاکرێ دا هژمارەکا جهان بهێنە دەست نیشانکرن بۆ دانانا کامیرێن لەزاتیا هاژوتنا ترۆمبێلان کۆ شەش ل وان جهان دکەڤنە سەنتەرێ قەزای و یێن دی ژی دکەڤنە دەرڤە.
ئاشکرا ژی کر، دانانا کامیرێن چاڤدێریێ ل جهێن دەستنیشانکری گەلەک گرنگن ژبەرکۆ دێ سەرپێچی و لەزاتیێ کێمکەن و بیتە سەلامەتیا وانا ژی، ئەف کامیرە ب شەڤ و رۆژ دێ کار کەن واتا 24 دەمژمێرییە.
رێڤەبەریا هاتنوچوونا ئاکرێ راگەهاند، ئیدی لەزاتیا هاتنوچوونێ ل قەزا ئاکرێ و هندەک ژ دەوروبەران ژ 60 دەرباز نابیت بۆ شۆفێران.