دژه‌تیرۆرا ئیراقێ راگه‌هاند، ب هه‌ڤكارى ل گه‌ل ئاساییشا هه‌رێما كوردستانێ هه‌ژماره‌كا ئۆپه‌راسیۆنان هاتینه كرن و 11 تیرۆرست هاتینه ده‌سته‌سه‌ركرن.
ده‌زگه‌هێ دژه‌تیرۆرا ئیراقێ دیاردكه‌ت، ب هه‌ڤكارى ل گه‌ل ئاساییشا هه‌رێما كوردستانێ هه‌ژماره‌كا ئۆپه‌راسیۆنان هاتینه كرن و 11 تیرۆرست هاتینه ده‌سته‌سه‌ركرن و چه‌ندین تۆنێل و شكه‌فت ل ناوچه‌یێن جودا هاتینه ته‌قاندن و ژناڤبرن.
ل گۆڕه‌یى ده‌زگه‌هێ دژه‌تیرۆرێ ل پارێزگه‌هێن نه‌ینه‌وا، كه‌ركووك و سه‌لاحه‌دین ئۆپه‌راسیۆن هاتینه‌كرن و دویفچوون ژى به‌رده‌وامه.
ده‌زگه‌هێ دژه‌تیرۆرا ئیراقێ ئاشكرادكه‌ت، 10 حه‌شارگه‌هـ و سێ تۆنێل ل پارێزگه‌ها نه‌ینه‌وا هاتینه ژناڤبرن و هنده‌ك ماددێ په‌قینان تێدا دهاته ئاماده‌كرن، هه‌روه‌سا ل كه‌ركووكێ ژى 10 حه‌شارگه‌هـ و ل دیاله ژى ئێك ب ته‌مامى هاتینه ژناڤبرن.