سەرۆك بارزانی پێشوازییا شاندەکێ کۆمارا ئیسلامی یا ئیرانێ كر، د هەڤدیتنێدا پارێزگارێ ئازەربایجان یا ڕۆژئاڤا سڵاڤێن تایبەت یێن بڕێز مەسعود پزیشکیان سەرۆک کۆمارێ ئیسلامی یا ئیرانێ گەهاندنە سەرۆک بارزانی.
ڕۆژا دووشەمبی 28ێ تەممووزا 2025 ل سەلاحەددین سەرۆک مەسعود بارزانی پێشوازییا شاندەکێ کۆمارا ئیسلامی یا ئیرانێ ب سەرۆکایەتییا بڕێز ڕەزا ڕەحمانی پارێزگار ئازەربایجان یا ڕۆژئاڤا کر.
دهەڤدیتنێدا پارێزگارێ ئازەربایجان یا ڕۆژئاڤا سڵاڤێن تایبەت یێن بڕێز مەسعود پزیشکیان سەرۆک کۆمارێ ئیسلامی یا ئیرانێ گەهاندنە سەرۆک بارزانی و هەروەسا سوپاسیا حکوومەتا هەرێما کوردستانێ ژی کر کۆ ئاسانکارییەکا زۆر باش بۆ وان زیارەتکاران دکەت کۆ برێکا دەروازەیا سنووریی یا حاجی ئۆمەران سەرەدانا عێراقێ دکەن.
هەر د وێ هەڤدیتنێدا تەکەز لسەر پەیوەندی و دۆستایەتییا دیرۆکی دناڤبەرا هەرێما کوردستانێ و کۆمارا ئیسلامی یا ئیرانێ و پەرەپێدانا پەیوەندیێن ئابووری و لڤینێن بازرگانیی ناڤبەرا هەردوولا هاتە کرن.