وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاند، به‌غدایێ زێده‌تر ژ 974 ملیار دیناران بۆ سه‌ر هه‌ژمارا بانكى یا حكومه‌تا هه‌رێما كوردستانێ ره‌وانه‌كرن و سوبه‌هى دێ ده‌ست ب به‌لاڤكرنا مووچه‌یێ مه‌ها 5 هێته‌كرن.
ئه‌ڤرۆ پێنجشه‌مبێ 24-7-2025ێ كوژمێ 974 ملیار و 813 ملیۆن دینار بۆ سه‌ر هه‌ژمارا بانكى یا حكومه‌تا هه‌رێما كوردستانێ هاتنه ره‌وانه‌كرن و سوبه‌هى دێ ده‌ست ب به‌لاڤكرنا مووچه‌یى هێته‌كرن.
پێشتر وه‌زاره‌تا دارایى و ئابۆرى یا حكومه‌تا هه‌رێما كوردستانێ دیاركریه، لیستا مووچه‌یێن مه‌ها 6 ژى بۆ به‌غدایێ هاتیه ره‌ونه‌كرن و هه‌ر ئه‌ڤرۆ پێداچوون ژ ئالیێ به‌غدایێ ڤه تێدا دهێته‌كرن.