پرسا مووچەیێ فەرمانبەرێن هەرێمێ کوردستانێ تووشی کێشەیان بوو و هیڤییێن بریاردانێ ل دۆر مووچەیی بۆ حەفتییا بهێت هاتنە پاشخستن.
بریاربوو ئەڤرۆ لژنەیا تایبەت یا جڤاتا وەزیرێن ئیراقێ دویەم کۆمبوونا خۆ بکەت. هەروەسا بریاربوو ئەڤرۆ ئەو لژنەیە رەشنڤیسەکێ نوی بەرهەڤبکەت و پێشکێشی جڤاتا وەزیرێن ئیراقێ بکەت.
بریاربوو پشتی رەشنڤیسا لژنەیێ جڤاتا وەزیرێن ئیراقێ کۆمبوونەکا نەئاسایی بکەت و بریارێ ل سەر هنارتنا مووچەیی بدەت. کۆمبوونا لژنەیێ بۆ دەمەکێ نەدیار هاتە پاشخستن، ئەگەرێ پاشخستنێ سەرۆکێ لژنێ بوو کو گۆتییە، ئەز یێ مژویلم و من دەمێ ڤێ کۆمبوونێ نینە.
هیڤیا مایی ئەوە دادگەها فیدرالی دێ ل دۆر مووچەیی کۆمبیت و ل گۆرەی کارنامەیا دادگەهێ روینشتن دێ ل رۆژا 14/7 هێتەکرن، سکالا هاتییە تۆمارکرن داکو فەرمانا سالاری بهێتە سەرخستن.
دوشەمبییا بهێت ل ئیراق و هەرێمێ ب هەلکەفتا شورەشا 14ێ تەمووزێ بێهنڤەدانا فەرمی یە، دیارنینە کا دادگەها فیدرالی دێ کۆمبیت یان نە