وەزارەتا ناڤخۆ یا حکومەتا هەرێما کوردستانێ دەربارەی کێشەیا ڤان رۆژێن بۆری ل قەزا خەبات راگەهاندنەک بەلاڤکر و تێدا گۆتییە، رەوش هاتییە سنۆردارکرن.
د راگەهاندنێ دا هاتییە، ژ ئەگەرێ ناکۆکییان د ناڤبەرا هندەک کەسان ل سەر کێشەیێن زەڤیان، ئالۆزی و نەئارامی چێبوون و زیانێن گیانی و ماددی هەبوون. ب بزاڤێن ئالییێن پەیوەندیدار یێن حکومی و حزبی و هێزێن ئاسایشا ناڤخۆ، ئەو کێشەیە هەر زووی هاتە سنۆردارکرن و ب هاریکارییا خەلکێ دەڤەرێ دەڤەر ئارامبوویە.
هەروەسا هاتییە، رێکارێن یاسایی بۆ چارەسەرییا ناکۆکیان و سزادانا سەرپێچکاران دەستپێکرینە. داخوازێ ژ خەلکێ دەڤەرێ دکەین ب ئاخفتنێن نەحەزان و هاندانا دەستێن گۆمانلێکری نەهێنە سەردابرن.
وەزارەتا ناڤخۆ دبێژیت ژی، ئارامی و ئاسایشا هەمی دەڤەرێن هەرێما کوردستانێ د سەر هەمی تشتان دایە و رێک ب چ کەس و ئالییان ناهێتەدان بۆ هەر مەرەمەکێ نەئارامییێ و ئالۆزیان پەیدابکەت، وەلاتییێن هەرێمێ پشتراستدکەت کو کوردستان هەر ب سەقامگیرترین ناوچە ل دەڤەرێ دێ مینیت