سه‌رۆكێ هه‌رێما كوردستانێ روودانا ئاگرێ ئاڤاهییه‌كى ل باژێڕێ كوت یا سه‌ر ب پارێزگه‌ها واست ڤه ده‌ربڕى و راگه‌هاند، دلێ مه ل گه‌ل خێزانێن قوربانیانه.
نێچیرڤان بارزانى، سه‌رۆكێ هه‌رێما كوردستانێ د نڤیسینه‌كێ دا ل تۆرا ئێكس دیاركریه، ئه‌و ب خه‌م و كۆڤانه‌كا مه‌زن ڤه كاره‌ساتا دلته‌زین یا ژ ئه‌نجامێ ئاگره‌كى ب ترس ل ناڤه‌نده‌كا بازرگانى ل باژێڕێ كوت ته‌ماشه دكه‌ن كو بوویه ئه‌گه‌رێ ژیان ژ ده‌ستدانا ده‌هان وه‌لاتیێن وێ پارێزگه‌هێ و برینداربوونا هنده‌كێن دى.
هه‌ر د په‌یاما سه‌رۆكێ هه‌رێما كوردستانێ دا هاتییه دلێ وان ل گه‌ل خه‌لك و خێزانێن قوربانیێن ڤێ كاره‌ساتێ یه و هه‌ڤخه‌مێ خه‌ما وان یا كویره و داخواز ژ خودایێ مه‌زن كر قوربانییان بێخیته به‌ر ره‌حما خۆ و سه‌بر و هه‌دارێ ب كه‌س و كارێن وان ببه‌خشیت و شیفایه‌كا بله‌ز بۆ برینداران بهنێریت.