مه‌سرور بارزانى سه‌رۆكێ حكومه‌تا هه‌رێما كوردستانێ په‌یامه‌ك به‌لاڤكر و ڕاگه‌هاند، پێشوازی ل لێكتێگەهشتنا دناڤبه‌را هه‌ردوو حكومه‌تێن هه‌رێما كوردستانێ و عیراقێ كر و ئه‌و چاڤه‌ڕێ دكه‌ن حكومه‌تا فیدرال مووچه و شایسته‌یێن دارایى یێن هه‌رێما كوردستانێ بهنێریت.
سه‌رۆكێ حكومه‌تا هه‌رێمێ دیاركر، ئه‌و هیڤیدارن بابه‌تێ مووچه‌ى و شایسته‌ییێن دارایى، تێكه‌لى ئاریشه‌یێن سیاسى نه‌كه‌ن، د چارچووڤێ ده‌ستووریدا و ب ڕێزگرتن ئاریشه‌یان چاره‌سه‌ر بكه‌ن.
مەسرور بارزانی ل دۆر هێرشێن سه‌ر زه‌ڤییێن په‌ترۆلێ یێن هه‌رێمێ دیاركر، دڤێت دووماهى ب وان هێرشان بهێت و ئه‌و داخواز دكه‌ن حكومه‌تا فیدرال هاریكار بیت بۆ ڤه‌دیتنا تێكده‌ران و ڕێكارێن قانوونى بگرنه‌به‌ر.