دەقێ ڕاگەهاندنا بارەگایێ بارزانی:
بناڤێ خودایێ مەزن و دلۆڤان،
گرێدای ب ئارئشەیێن دناڤبەرا هەرێما کوردستانێ و حکومەتا عیراقا فیدڕال، لسەر ئێکلاکرنا پرسا مووچە و بودجە و شایستەیێن دارایی یێن هەرێما کوردستانێ ئەڤرۆ مەکتەبا سیاسییا پارتی بۆ وەرگرتنا هەلویستەکێ پێدڤی کۆمبوو، بەلێ هەر ئەڤرۆ بەرێز د.فواد حوسێن پشتی گۆتووبێژان دگەل لایەنێن سیاسی یێن عیراقێ ڤەگەریایە کوردستانێ و ب مەکتەبا سیاسی یا پارتی ڕاگەهاند کو لایەن و کەسایەتییێن سیاسی و حکومەتا عیراقا فیدڕال بۆ چارەسەرکرنا ئەوێ ئاریشەیێ سوزا وێ چەندێ دایە کو د چەند ڕۆژێن بهێت دا پرسا هنارتنا مووچە و شایستەیێن دارایی یێن هەرێما کوردستانێ بهێنە چارەسەرکرن.
هەر لسەر داخواز و سوزا ئەوان و ژ پێخەمەت بەردەوامبوونا گۆتووبێژەکا ئارام و ل بەرچاڤگرتنا ڕەوش و بەرژەوەندیا گشتی، مە باشتر دیت دووماهی دەلیڤە ب حکومەتا عیراقا فیدڕال ل بەغدا بدەین ژ بۆ کو ڕێکەکێ بۆ ب دووماهیئینان ب ئەڤێ ئاریشەیێ ببینن، هەردەم مە باوەریا ب وێ چەندێ هەبووی کو ئەگەر ڕێکا دانوستاندنێ هەبیت مەژی پێ باشە ب ئێک تێگەهشتنێ ئاریشەیان چارەسەر بکەین.
بارەگایێ بارزانی
12ـی تەممووزا 2025ــێ