سه‌رۆک نێچيرڤان بارزانى بۆ وەغەرا كه‌ريم شنگالى پەیامەک بەلاڤکر و راگەهاند؛ سەرەخۆشی و هەڤخەمییێن خۆ یێن کویر ئاراستەیی بنەمالا کەریم شنگالی دکەم. شنگالی ژ بنەمالەکا کوردپەوەربوویە و ژ پیناڤ دۆزا گەلێ خۆ تووشی رۆژێن دژوار بوویە.
سه‌رۆک نێچيرڤان بارزانى بۆ وەغەرا كه‌ريم شنگالى، ئەڤرۆ، 10-6-2025، پەیامەک بەلاڤکر و راگەهاند؛ سەرەخۆشی و هەڤخەمییێن خۆ یێن کویر ئاراستەیی بنەمال، کەسوکار، هەڤال و هەڤسەنگەرێن کەریم شنگالی دکەم.
دیارکر ژی؛ ژ خودایێ مەزن هیڤیخوازین گیانێ وی شاد بیت و سەبر و هەدارێ بدەتە هەمی ئالییان.
گۆت ژی: کەریم شنگالی وەک پەروەردەکرییێ بنەمالەکا کوردپەروەر، ژیەکێ درێژ ب خەبات، پێشمەرگایەتی و کارێ دلسۆزانە ژ پێناڤ دۆزا گەلێ خۆ دا بسەربر. سەختییەکا مەزن دیتییە و د رۆژێن دژوار دا بووریە و هەتا پشتی سەرهەلدانێ ژی ب بەردەوامی و بێ راوەستییان د ئەرکی دا بوو.
دیار ژی کر؛ ب ئەزموونا من یا کەسی و کارکرنا چەندین سالان یا پێکڤە دیدەڤانێن وێ چەندێ نە کو هەمی دەمان ب پاقژی، دلسۆزی و ب گیانەکێ بەرپرسیارەتی و نیشتیمانپەروەری کار دکر و وی دخواست ب باشترین شێوە خزمەتا گەلێ خۆ بکەت.
کەریم شنگالی وەزیرێ ناڤخۆ یێ بەرێ یێ هەرێما کوردستانێ یێ کابینەیا پێنجێ هەتا هەشتێ، ئەڤرۆ، سێشەمبییێ، 10-6-2025، ژ ئەگەرێ نەخۆشییێ د ژیێ 75 سالییێ دا وەغەرکر.
شنگالی ئێک ژ ئەندامێن بەری نوکە یێ مەکتەبا سیاسی یا پارتی دیمۆکراتی کوردستان بوویە، هەروەسا رێڤەبەرێ نڤیسینگەها سەرۆکێ هەرێما کوردستانێ بوو.