مەسروور بارزانى بۆ وەغەرا كه‌ريم شنگالى پەیامەک بەلاڤکر و راگەهاند؛ ب ڤێ هەلکەفتا خەمگین، سەرەخۆشییێ ل بنەمال و کەسوکارێن کەریم شنگالی دکەم، شنگالی پێشمەرگەیەکێ ئازا و کەسەکێ جهێ باوەرییێ بوو.
سەرۆکوەزیر مەسروور بارزانى بۆ وەغەرا كه‌ريم شنگالى، ئەڤرۆ، سێشەمبییێ، 10-6-2025، پەیامەک بەلاڤکر و راگەهاند؛ خەبەرێ وەغەرا خودێ ژێ رازی کەریم شنگالی، وەزیرێ ناڤخۆ یێ بەری نوکە یێ هەرێما کوردستانێ و سەرکردەیێ دیار یێ پارتی دیمۆکراتی کوردستان گەلەک خەمبار کرم.
دیارکر ژی؛ شنگالی د هەمی قویناغێن خەبات گەلێ کوردستانێ دا، پێشمەرگەهەکێ ماندینەناس یێ ئازا، تێکۆشەرەکێ ناسیار و کەسایەتییەکێ نیشتیمانپەوەر بوو. د هەمی ئەرک و بەرپرسیارەتییان دا گەلەک ب دلسۆزی و ژێهاتی کارێن خۆ ئەدا دکرن، کەسەکێ وەفادار و جهێ باوەرییێ بوو.
ئاشکرا ژی کر؛ ب ڤێ هەلکەفتا خەمگین، سەرەخۆشییێ ل بنەمالا وان یا رێزدار، هەمی کەسوکار، دۆست و هەڤالێن پارتی دیمۆکراتی کوردستان دکەم. خودایێ مەزن گیانێ وی ب بەهەشتێ شاد بکەت و سەبر و هەدارێ بدەتە هەمی ئالییان.