سه‌رۆكوه‌زیرێن هه‌رێما كوردستانێ د رۆژا جیهانی یا كرێكاران دا پابه‌ندییا حكومه‌تێ ب داكۆكیكرن و دابینكرنا مافێن كرێكاران دوپات كر.
ئه‌ڤرۆ پێنجشه‌مبێ 1-5-2025ێ مه‌سروور بارزانى، سه‌ۆكێ حكومه‌تا هه‌رێما كوردستانێ ب هه‌لكه‌فتا رۆژا جیهانى یا كرێكاران په‌یامه‌ك ل تۆڕا ئێكس به‌لاڤكر.
سه‌رۆكوه‌زیرێ هه‌رێما كوردستانێ ب ڤێ هه‌لكه‌فتێ گه‌رمترین پیرۆزباهى ل هه‌موو كرێكارێن كوردستانێ و ئیراق و جیهانێ كرن و دیاركر وى رێز و پێزانین بۆ مانیبوون و ئه‌رك و پشكدارییا كارا یا كرێكارێن كوردستانێ د پرۆسه‌یا ئاڤه‌دانكرن و گه‌شه‌پێدانا ژێرخانا ئابۆرى یا هه‌رێما كوردستانێ دا هه‌یه.
هه‌روه‌سا ئاشكراكر، ل سالا بۆرى وان گه‌له‌ك بزاڤ كرینه بۆ باشتركرنا ره‌وشا ژیانا كرێكاران و پاراستنا مافێن وان و هه‌ر دڤى وارى دا دوپاتیێ ل پاراستنا ساخله‌مییا وان و سلامه‌تییا وان یا پیشه‌یى و مافێن وان یێن یاسایى و باشتركرنا ره‌وشا وان یا كارى دكه‌ین.