ئاکرێ نیوز
ئەڤرو رۆژا ئێک شەمبی 18ـی شوباتا 2024، د.ئومێد سەباح،ئەندامی کۆمیتەیا ناوەندی یا پارتی دیموکراتی کوردستان، سەرەدانا (لقێ 9ـێ پارتی دیموکراتی کوردستان) ل قەزا ئاکرێ دا، و د کومبوونەکێ دا ب ئامادەبوونا هەر ئێک ژ سەربەست لەزگین، بەرپرسێ مەکتەبا ڕێکخستنا پارتی دیموکراتی کوردستان ل پارێزگاها دهۆک و د.مەردان خدر، بەرپرسێ لقا 9 یا پارتی دیموکراتی کوردستان ، د.عەلی تەتەر، پارێزگارێ دهۆک و بەرپرسێن حزبی و کادر و ئەندامێن پارتی دیموکراتی کوردستان ل قەزا ئاکرێ و بەردەرەش کومبوونەکا حزبی ئەنجامدا.
د کومبوونێ دابەحسی گاڤێن پارتی دیموکراتی کوردستان ل سەر ئاستێ حزبی و حکومی ل رابووری و پلانا داهاتی یا پارتی دیموکراتی کوردستان ژبۆ خزمەتکرنا بەردەواما خەڵکێ کوردستانێ و دەڤەرێ ئاماژە پێ هاتەدان، و بەحسا کارئاسانیا زێدەتر بۆ هەڤوەلاتیان ل دام و دەزگەهان و کەمکرنا ڕوتینیێ د کاروباراندا و هەماهەنگی دناڤبەرا هەڤوەلاتی و حزبێ ژ پێخەمەت گەهشتنا خزمەتا زێدەتر بۆ هەڤوەلاتیان ب پێتڤی زانی.
ل کومبوونێ دا بەحسی دانوستاندن و دوماهیک پێشهاتێن ناڤخوویێن کوردستانێ و عێراقێ و تەحەدیێن لهەمبەر پرۆسا سیاسی و سەرەدانێن شاندێ دانوستاندنکارا حکومەتا هەرێمێ بۆ بەغدا و ناکۆکیێن ناڤبەرا هەردوولا و پرسا هەموارکرنا بودجەی ئیتیحادی و دابینکرنا شایستەیێن دارایی یێن هەرێم و مافێ مووچەخۆرێن هەرێما کوردستانێ کر، تەکەزی ل بدەست هێنانا مافێن هەرێما کوردستانێ کر، و ڕۆلێ پارتی دیموکراتی کوردستان ل سازش نەکرن لسەر ماف و شایستەیێن دارایێن هەرێمێ ب بایەخڤە بەحسکر ، و ئاماژە ب وێ ئێکێ دا کو بهێنڤرەهی و خۆڕاگریا خەڵکێ کوردستانێ ل دۆخ و قەیرانێن دژوارێن رابوری دا دوو هەڤکار و هاندەر بووینە ژبۆ بەردەوامیدان ل خزمەتکردنا کوردستانێ.
دتەوەرەکێ دیترێ کومبوونێ دا بەحسی خزمەتکرنا دەڤەرا بادینان و دەڤەرێ ل سنووری قەزا ئاکرێ کر و شوین تلێن حکومەتا هەرێمێ ژ بال خەبات و قوربانیدانا پارتی دیموکراتی کوردستان ل دەڤەرێ ب گرنگی ڤە ئاماژەپێ هاتەدان ،تەکەزکر کو پارتی دیموکراتی کوردستان ل ئاستێ حزبێ و حکومەتێ هەموو گاڤان دێ گریتەبەر ژبۆ خزمەتکرنا هەڤوەلاتیێن دەڤەرێ ب رەنگەکی کو بکاریت ل ئاستێ داخوازیێن خەلکی و خەبات و قوربانیدانا دەڤەرێ بیت بۆ ڤێ مەرەمێ ژی درێغی نەهاتییەکرن و ل داهاتی ژی دا دێ بەردەوام بیت ، ئاماژە ب وێ چەندێ ژی دا سەرباری بەرەڤ پێشڤەچوونا کار و ئەنجامدانا پڕۆژەیێن خزمەتگوزاری ل کابینەیا نەهێ یا حکومەتا هەرێمێ ل دەڤەرێ تەکەزی ل وێ چەندێ کر کو پێتڤی یە خزمەتکرن و دەستێ ئاڤەدانیێ لڤی سنوری ب پشتەڤانیا دام و دەزگەهـ و خەڵکێ ڤی سنوری بەرەڤ پێشڤە بچیت و دەڤەر خزمەت و ئاڤەدانی و ئارامیا زێدەتر ب خۆڤە ببینیت.
ل داویا کومبوونێ دەرگەهێن دانوستاندنێ هاتەڤەکرن و بەرهەڤبوویان دید و بووچوونێن خۆ ئێخستنە بەرچاڤ و بەرسڤێن پێدڤی ل ئاستێ داخوازیێن وەلاتیان هاتنەدان.
