ئەڤرۆ ئێكشەمبی 1/11، مەسرور بارزانى، سەرۆکێ حوکمەتا هەرێما کوردستانێ، پێشوازى ل فەرهاد ئەترووشى، جێگرێ سەرۆکێ جڤاتا نوونەرێن عیراقێ کر.
د دیدارێ دا، بەحس ل ڕۆلێ کارایێ جڤاتا نوونەرێن عیراقێ د بوارێ یاسادانان و چاڤدێریێ و داکۆکیکرنێ ژ مافێن گشتیێن وەلاتی و پێکهاوتێن عیراقێ هاتە کرن.
مەسرور بارزانی، دگەل دەربڕینا پشتەڤانییێ بۆ جڤاتا نوونەرێن عیراقێ وەکو دەستهەلاتا یاسادانانێ، تەکەزى ل گرنگیا دناڤبەرا هەرێما کوردستانێ و حوکمەتا فیدرالى دا ل سەر بنەمایێ دەستوورى و ڕێککەفتنان و ڕێزگرتنێ ل قەوارەیێ فیدرالى و دەستوورى یێ هەرێما کوردستانێ کر.