ئەڤرۆ چارەشەمبێ ل پیرمام سەرۆک مەسعوود بارزانى ل گەل گرێگێى تیڤادار تاکاچ، کونسلێ گشتییێ نوى یێ هەنگارییا ل هەرێما کوردستانێ کۆمبوو.
د ددیارەکێ دا کونسلێ گشتى یێ هەنگارییا خۆشحالییا خۆ ب دیدارا سەرۆک بارزانى دەربڕى و راگەهاند، وى شارەزاییەکا باش ل سەر دیرۆک، کلتۆر و سیاسەتا نوکە و بۆرى یا کورد و کوردستانێ هەیە و ژبەرکو وى ماستەرنامەیا خۆ ل سەر کوردستانێ نڤیسایە و سوپاسییا رۆل و هەلوەستێن سەرۆک بارزانى کرن کو هەموو وان بزاڤێن هەیى بۆ ئاشتى و ئارامییێ ل ناوچێ ب گشتى تەرخان دکەت.
هەروەسا پیرۆزباهییا سەرکەفتنا پرۆسەیا هەلبژارتنان و سەرکەفتنا پارتى دیمۆکراتى کوردستان د هەلبژارتنێن جڤاتا نوینەرێن ئیراقێ دا ل سەرۆک بارزانى کر.
د دیدارێ دا پێنگاڤێن ئالیێن سیاسى یێن ئیراقى بۆ پێکئینانا حکومەتا نوى یا فیدرال و پرۆسەیا سیاسى ل هەرێما کوردستانێ و پرسا پێکئینانا کابینەیا نوى یا حکومەتا هەرێا کوردستانێ هاتنە بەحسکرن.
یا پەیوەندى ب ناڤبەرا هەنگارییا هەرێما کوردستانێ ڤە هەیى هەر دو ئالی هەڤڕابوون ل سەر بەرەفپێشبرن و باشترکرنا پەیوەندیێن دو ئالی د هەمى واران دا ب تایبەت ژى د وارێ ئابۆرى و بازرگانى دا.
گوهۆڕین و رەوشا ناوچێ ب گشتى و هەنگارییا و پرۆسەیا ئاستییێ ل تورکیا و رەوشا سووریا هندەک تەوەرێن دى یێن دانوستاندنان بوون.