وەزارەتا داد یا عیراقێ نووترین ژمارەیا ڕۆژنامەیا فەرمییا وەقائیع بەلاڤكر، هەر ئێك ژ بزاڤا ئەنساروللا یا حوسییان ل یەمەنێ و حزبوللا یا لبنانی ئێخستنە د لیستا تیرۆرێدا.
د پشكەكا دییا ڕۆژنامەیێدا، ناڤێ ئەبو محەمەد جۆلانی سەرۆكێ دەستەیا تەحریر شام، بۆ ئەحمەد حسێن شەرع هاتە گۆهارتن.
موراد ساعدی ڕێڤەبەرێ ڕاگەهاندن و پەیوەندییان ل وەزارەتا داد یا عیراقێ ڕاگەهاند، وەزارەتێ چ پەیوەندی ب ئەڤان بریارانڤە نینە، بەلكو ژلایەنێن فەرمی یێن دەولەتێڤە دەركەڤتینە و ل ڕۆژنامەیێ هاتینە بەلاڤكر، دووڤدا دێ كەڤنە د بیاڤێ بجهئینانێدا.