ئاکرێ نیوز - وەرزش
دەستەیا کارگێڕییا یانا ڕیال مەدرید یا ئیسپانی، ئەڤرۆ کۆمبوونەکا ب لەز ئەنجامدا و تێدا بڕیارەکا چارەنڤیسساز دەربارەی پاشەڕۆژا "چابی ئالۆنسۆ"یێ ڕاهێنەرێ یانەیێ دا.
ل گۆرەی زانیاریێن رۆژنامەیا " ئێل موندۆ"، فلۆرێنتینۆ پێرێز و ئەندامێن بۆردێ کارگێڕی گەهشتینە وێ باوەریێ کو یارییا داهاتی بەرامبەر مانچێستەر سیتی د خولا یانەیێن پاڵەوانێن ئەوڕۆپا (چامپیۆنز لیگ) دا، دێ بیتە دوماهیک دەلیڤە بۆ ئالۆنسۆی.
ژێدەرێ ناڤهاتی ئاشکرا کریە، کارگێڕییا مێرێنگی بڕیار دایە ئەگەر ڕیال مەدرید د وێ یاریێ دا سەرکەفتنێ تۆمار نەکەت، ئێکسەر چابی ئالۆنسۆ دێ ژ پۆستێ خۆ هێتە دویرخستن.
ئەڤ بڕیارە پشتی وێ یەکێ دهێت کو شەڤا بۆری ڕیال مەدرید ل ناڤ یاریگەها خۆ (سانتیاگۆ بێرنابیۆ) تووشی شکەستنێ بوو بەرامبەر یانا سێلتا ڤیگو، کو بوویە ئەگەرێ دروستبوونا فشارەکا مەزن ل سەر ڕاهێنەری.
ب ڤێ یەکێ، یارییا ڕۆژا چارشەمبیێ دێ بیتە یارییا "مان و نەمانێ" بۆ چابی ئالۆنسۆی ل گەل شاهێن ئیسپانیایێ.