ئەڤرۆ دوشەمبی 8ی کانوونا ئێكێ 2025 ل پیرمام سەرۆک مەسعود بارزانی پێشوازی ل جڤاكناس و زانایێ ناسیارێ کورد دکتۆر ڕەشاد میران کر.
د وێ دیدارێدا سەرۆک بارزانی پێزانین هەبوون بۆ هەولێن زانستی و ئەکادیمیێن دکتۆر ڕەشاد میران و، دەستخۆشی و پیرۆزباهی لێکر بۆ ب دەستڤەئینانا خەڵاتێ (پوشکین) کو ژ لایێ ڤلادیمێر پوتینی سەرۆکێ ڕووسیاڤە ل مۆسکۆ ل هەیڤا بۆری وەرگرتبوو.
دکتۆر ڕەشاد میران زێدەباری سوپاسگوزارییێ بۆ سەرۆک بارزانی، کورتییەك ل سەر کارێن خۆ یێن زانستی بەحسکرن و چەند کتێبێن خۆ وەکو دیاری پێشکێشی سەرۆک بارزانی کرن.