سەرۆک نێچیرڤان بارزانی و جێگرێ وەزیرێ دەرڤە یێ ئەمریکا دوپات کر کو پێدڤییە تاوانبارێن هێرشا ل سەر کێلگەها کۆرمۆر بهێنە دادگەهکرن و چەک بتنێ د دەستێ دەولەتێ دا بیت.
سەرۆکاتییا هەرێما کوردستانێ ناڤەرۆکا کۆمبوونا سەرۆک نێچیرڤان بارزانی و مایکل رێگاس، جێگرێ وەزیرێ دەرڤە یێ ئەمریکا بەلاڤکر و تێدا هاتییە، سەرۆک نێچیرڤان بارزانی گۆت: سەرەدانا مایکل رێگاس نیشانا پابەندییا ئەمریکا یە ب بەردەوامییا پەیوەندییێن درێژخایەن و ستراتیژی ل گەل ئیراق و هەرێما کوردستانێ. سوپاسییا ئەمریکا دکەین بۆ پشتەڤانی و هاریکاریکرنا ئیراق و هەرێما کوردستانێ د هەمی بواران دا.
هەروەسا هاتییە، هەردو ئالییان دوپاتکر کو پێدڤییە تاوانبارێن هێرشا ل سەر کێلگەها کۆرمۆر بهێنە دادگەهکرن و چەک بتنێ د دەستێ دەولەتێ دا بیت.
پەیوندییێن ئەمریکا ل گەل ئیراق و هەرێما کوردستانێ، ئەنجامێن هەلبژارتنێن پەرلەمانێ ئیراقێ، مەترسییێن داعشێ، دویماهیی پێشهاتێن دەڤەرێ ژی بەحسکرن.