ب ناڤێ خودایێ بەخشندەیێ دلۆڤان
خوشتڤیان سکرتێر و ئەندامێن مەکتەبا سکرتاریەتا ئێکەتییا ئافرەتێن کوردستانێ، ب هەلکەفتا 73 سالیادا دامەزراندنا ئێکەتییا ئافرەتێن کوردستانێ، پیرۆزباهیێن گەرم ئاراستەی هەوە و هەمی ئەندامێن رێکخراوا هەوەیا تێکۆشەر و سەرجەم ئافرەتێن کوردستانێ دکەم.
ئێکەتییا ئافرەتێن کوردستانێ دەستکەفتەکێ گرنگێ خەباتا نەتەوەیی و بزاڤا رزگاریخوازا کوردستانێ یە، کو رۆلەکێ بەرچاڤ و کاریگەر هەبوویە د بلندکرنا ئاستێ هوشیاری، پاراستنا مافێن ئافرەتان، و ب هێزکرنا پێگەهێ ئافرەتا کورد دا. ئەڤ رێکخراوە ب تێکۆشانا خوهیا بەردەوام شیایە دەنگێ ئافرەتێن کوردستانێ بگەهینیت و پشکەکا گرنگ بیت ژ خەباتا نەتەوەیی و مەدەنی یا گەلێ کوردستانێ.
د ڤێ سالیادێ دا، پێزانینم هەیە بۆ خەبات و قوربانیدانا ئافرەتێن کوردستانێ و وی ئەرکێ کو د قۆناغێن خەباتا گەلێ کوردستانێ دا ل سەر ملێن وان بوویە. دلنیام ئێکەتییا ئافرەتێن کوردستانێ، هەر وەکو قۆناغێن بوری یێن خەباتا خوه، د داهاتیدا ژی د پێشڤەبرنا دۆزا رەوا یا گەلێ مە و بەرەڤانی کرنێ ژ ماف و داخوازێن ئافرەتان دا، رۆلەکێ پێشەنگانە دێ گێریت.
هیڤیا سەرکەفتنێ بۆ هەوە دخازم.
مسعود بارزانی 11ێ کانونا ئێکێ 2025