سەرۆکێ حکومەتا هەرێما کوردستانێ راگەهاند، ب مەرەم رێگرى ل پێکئینانا حکومەتا هەرێما کوردستانێ دهێتەکرن و دڤێت ب زویترین دەم بهێتە پێکئینان.
مەسروو بارزانى، سەرۆکێ حکومەتا هەرێما کوردستانێ پەیامەک ب هەلکەفتا هاتنا سالا نوى بەلاڤکر و پیرۆزباهى ل هەمى وەلاتیێن هەرێما کوردستانێ و کوردستانییان کر و هیڤییا سالەکا پڕى خۆشى و ئارامى خواست.
هەروەسا دیارکر، سالا 2025ێ سالا چەندین دەستکەفت و ئەنجامێ چەندین پڕۆژەیێن گرنگ و ستراتیژى بوو، د هەمان دەم دا سالا ئاستەنگ و بەرهنگارییان بوو.
سەرۆکێ حکومەتێ دیارکر ژى ب پشتەڤانییا خودێ و خۆڕاگرییا وەلاتییێن نشتیمانپەروەر، سالا 2025ێ ئەو شیاینە چاکسازییێن حکومەتا هەرێمێ د هەمى واران دا ب تایبەت دابینكرا کارەب و چارەکرنا کێشەیا کێم ئاڤییێ و ئاڤاکرنا رێکان و باشترکرنا ژێرخانا دارایى و بەنکى ب ئەنجامى ب گەهینن و بەردەوام ژى د خزمەتا زێدەتر یا خەلکێ کوردستانێ دا.
هەروەسا هیڤى خواست د دەمەکێ نێزیک دا کابینەیا نوى یا حکومەتا هەرێا کوردستانێ بهێتە پێکئینان و کو ب بداخ ڤە ب مەرەم رێگرى ل پێکئینانا وێ هاتییەکرن.
هەروەسا دیارکر ژى پێدڤیە چ دى بەرژەوەندیێن بلند یێن کوردستانێ نەبنە قوربانى بەرژەوەندییا چ ئالییەکى.
هەروەسا ئۆمێدەوارە ژى کابینەیا نوى یا فیدرالى د پاشەرۆژەکا نێزیک دا ل سەر بنەما و بەرچاڤگرتنا پرەنسیپێن هەڤپشک و هەڤسەنگى و سازانێ بهێتە پێکئینان.