پۆلیسێن دهۆکێ د کۆنگرەیەکێ رۆژنامەڤانى دا راگەهاند، 16 کەس ب تۆمەتێن جودا جودا هاتینە دەستەسەرکرن و ئاشکراکر، دانا پارەیى ب خازۆکان تاوانە.
هێمن سلێمان، پەیڤدارێ پۆلیسێن پارێزگەها دهۆکێ د کۆنگرەیەکێ رۆژنامەڤانى دا گۆت: 16 کەس ب تۆمەتێن جودا جودا هاتینە دەستەسەرکرن کو ئێک ژ وان ب تۆمەتا دزین و تێکدانا سیستەمێ ئاڤاهییەکێ ب بهایێ 18 دەفەتەران هاتییە گرتن و پێنج تۆمەتبار ل سێمێلێ ب تاوانێن قومارێ و سیستەمی هاتینە دەستەسەرکرن.
سلێمانى ئاشکراکر، چار تۆمەتبار ب تۆمەتا خراب بکارئینانا مۆبایلێ ل دهۆکێ و سنۆرێ قەزا ئامێدییێ هاتینە گرتن و سێ تۆمەتبار ب تۆمەتا بەلاڤکرنا پارەیێ سەختە ل دهۆکێ و ل سنۆرێ شێخان هاتینە گرتن و سێ تۆمەتبارێن داخوازکری ژ ئالییێ دادگەها هەولێرێ ڤە ل دهۆکێ هاتینە گرتن.
ل گۆڕەیى پۆلیسێن دهۆکێ دانا پارەیى ب کەسێن خازخازۆک تاوانە و داخواز ژ وەلاتییان بکر ب چ رێکان پارەیى نەدەنە وان.