ژبەر نەدانا ڤیزەیێ ژلایێ ئەمریکا ڤە، ئێران بەشداریێ د پشککێشانا جاما جیهانی یا ٢٠٢٦ێ دا ناکەت.
ئاکرێ نیوز
فیدراسیۆنا تەپا پێی یا ئیرانێ بەلاڤکر، ژبەر نەدانا ڤیزەیێ ب ژمارەکا ئەندامێن شاندێ وەلاتێ وان ژلایێ ئەمریکا ڤە، بڕیار دایە بەشداریێ د پشککێشانا دوماهیێن جاما جیهانی دا نەکەن، کو بڕیارە حەفتیا بهێت ل واشنتۆن بهێتە ئەنجامدان.
پەیڤدارێ فیدراسیۆنێ، ئەمیر مەهدی عەلەوی، د لێدوانەکێ دا بۆ تەلەڤزیۆنا فەرمی یا ئیرانێ ئاشکرا کر، ب فیفایێ راگەهاندیە کو بڕیارا وان پەیوەندی ب وەرزشێ ڤە نینە و شاندێ ئیرانێ بەشداریێ د پشککێشانێ دا ناکەت.
هەروەسا گوت ژی، فیدراسیۆنا تەپا پێی د دوو رۆژێن بوری دا نڤیسارێن فەرمی ل گەل جیانی ئینڤانتینۆ سەرۆکێ فیفا و سکرتاریەتا گشتی یا فیفا ئاڵوگۆڕ کرینە، ب ئاوایەکێ فەرمی بابەت بۆ روونکریە، بەرسڤا فیفایێ ژی وێ چەندێ دیار دکەت کو ئەو دەزگەهە دێ دیڤچوونێ بۆ بابەتی کەت.