شەهاب ئاکرەیی
لدەستپێکێ پیرۆزباهیێ ل لیستا (٢٧٥) لیستا پارتی دیموکراتی کوردستان دکەم و هەردو برایێن بەڕێز کاندیدێن ژمارە (١٤و ١٥) (د. زیرەک زێباری و سەلوان طه طیب ئاكرەیی) دکەم، و داخوازێ ژ وان هەر دو برایان دکەم، پەیامەکا برایەتیێ و کوردایەتیێ پێکڤە بەڵاڤ بکەن، رێیێ ل دوبەرەکیێ بگرن، تۆڤێ برایەتیێ و پێکڤە ژیانێ بچینن، داکو ئاشتیێ ب هەلینین.
بکورتی و کورمانجی و کوردی، دێ راستییەکێ پێشکێشی هەمی هەڤاڵ و برایێن خۆ یێن خۆشتەڤی ژ پێکهاتێن ئاکرێ کەم.
ئەو کاندیدێن بەڕێزێن سەرکەفتین د هەلبژاردنێ دا، کەس ژ وان ب تنێ ب دەنگێ پێکهات و عەشیرەتا خۆ سەرنەکەفتینە، و باشترین بەڵگەهـ ژی بنگەهـ و ویستگەهێن دەنگدانێ بوون، کو دەنگ ژ هەمی پێکهاتان ب کاندیدان هاتبوونە دان.
ب رامانەکا دی کاندیدێن سەرکەفتی ب دەنگێ جەماوەرێ پارتی ل ئاکرێ و لیستا (٢٧٥) یا پارتی سەرکەفتینە، و پشت راستم ژی ئەگەر ئەو لسەر لیستەکا دی بان ژبلی لیستا پارتی، سەرنەدکەفتن.
ڤێجا کەس ژ لایەنگرێن هەر دو کاندیدێن سەرکەفتی، بلا وان گۆتنا نەنڤیسن و نەبێژن، یێت کو خزمەتا باژێڕێ مە و پێکهاتێن مە یێن خۆشتەڤی یێن ئاکرێ، نەکەت، چۆنکە ئەو کار دێ بیتە خزمەتەکا بێ بەرامبەر بۆ دژمنێن هەبوونا مە، بەڕێزان شەڕێ مە شەڕێ رزگاریێ و ئازادیێ یە، شەڕێ خۆشگۆزەرانیێ و خزمەتێ یە، شەڕێ مللەتبوونێ و دەولەتبوونێ یە.
مخابن❗ کو هندەک پۆست و بۆچوون من دیتن، خۆزی من نە دیتبان و من نە بهیستبان.
ئاکرێ باژێڕێ هەمیانە، ئەم هەموو خزم و کەس و کارێت ئێکین، هەمی پێکهاتێن باژێڕێ مە خال و خارزانە، و کوردن و مرۆڤن، هەر بەری هەیامەکی ژی من پۆستەک لسەر ڤی بابەتی بەڵاڤکر، کو ئەز ئاکرەیی مە و کوردم و مرۆڤم و تۆ ژی ب هەمان ئاوایی (زێباری، سورچی، هەرکی، گۆرانی، ...هتد) کوردی و مرۆڤی، و ژێیاتی یێن دی پشکەکن ژ بازنێ مەزن یێ ژێیاتیێ کو کوردستانە و کوردستان ژی پشکەکە و وەلاتەکە ژ وەلاتێن جیهانێ.