سەرۆک نێچیرڤان بارزانی، پێشوازی ل دادوەر فایەق زێدان، سەرۆکێ جڤاتا بلند یا دادوەری یا ئیراقێ کر و بەحسی هەلبژارتنێن جڤاتا نوینەرێن ئیراقێ و پاشەرۆژا پرۆسەیا سیاسی هاتەکرن.
سێشەمبییێ 18ێ چریا دویێ یا 2025ێ، نێچیرڤان بارزانی، سەرۆکێ هەرێما کوردستانێ د پەراوێزا کۆربەندێ ئاشتی و ئاسایشا رۆژههلاتا ناڤین (مێپس 2025) دا ل گەل فایەق زێدان، سەرۆكێ جڤاتا بلند یا دادوەری یا ئیراقێ کۆمبوو.
ل گۆرەیی سەرۆکاتییا هەرێما کوردستانێ، سەرۆک نێچیرڤان بارزانی تەکەزی ل گرنگییا رۆلێ دەستهەلاتا دادوەری د گەرەنتیکرنا سەقامگیرییا یاسایی و سیاسی و پاراستنا بەرژەوەندییێن بلند یێن وەلاتی دا کر.
سەرۆکاتییا هەرێما کوردستانێ دازانین؛ ژ ئالییێ خۆ ڤە، دادوەر فایەق زێدان تەکەزی ل بەردەوامییا دەستهەلاتا دادوەری د کارێ خۆ دا ب بێئالی و سەربخۆیی، بۆ پاراستنا بەرژەوەندییێن گشتی کر.
سەرۆکاتییا هەرێما کوردستانێ ئاشکراکر ژی؛ سەرکەفتنا هەلبژارتنێن جڤاتا نوینەرێن ئیراقێ و پاشەرۆژا پرۆسەیا سیاسی ل وەلاتی تەوەرەکێ دی یێ کۆمبوونێ بوو.