ئاکرێ نیوز
یانەیا بارسێلۆنا ب شێوەیەکێ فەرمی ڕاگەهاند، کو حەفتییا بهێت دێ دەست ب مەشق و ڕاهێنانێن خۆ ل یاریگەها کامپ نو کەن و دەرگەهـ ل هەمبەر پشتەڤانان ڤەبن.
یانەیێ د بەیاننامەیەکێ دا ئاماژە ب وێ یەکێ ژی کرییە، کو ڕۆژا ئەینی یا بهێت، حەفت مەشق دێ ل یاریگەها سپۆتیفای کامپ نو هەبن، ب مەرەما تاقیکرنا سیستەمێ یاریگەهێ.
هەروەسا، بارسێلۆنا ئەو ژی ئاشکرا کرییە کو یاریگەهـ دشێت ٢٣ هزار پشتەڤانان ب خۆڤە بگریت، و بهایێ پلێتا بۆ ئەندامێن یانەیێ ٥ یۆرۆ و بۆ خەلکێ ئاسایی ١٠ یۆرۆیە.
بارسێلۆنا خۆشحالییا خۆ ب ڤێ پێشوازیێ ل پشتەڤانێن خۆ بۆ مالا خۆ دیار کر و ڕاگەهاند کو ڕۆژا ئەینی یا بهێت، دەرگەهـ دێ ل دەمژمێر ٩:٣٠ سپێدێ ل هەمبەر پشتەڤانا هەتا دەمژمێر ١١:٠٠ ڤەبن و مەشق دێ دەست پێ کەن.