سەرۆكایەتییا هەرێمێ ڕاگەهاند، نێچیرڤان بارزانی سەرۆكێ هەرێما كوردستانێ پێشوازی ل شاندەكێ كەنیسەیا ئەرتۆدۆكس یا ڕووسی ب سەرۆكایەتییا مەتران ئەنتۆنی، بەرپرسێ پەیوەندییێن دەرڤە و ژمارەیەكا زەلامێن ئایینی یێن كەنیسەیێ كر.
شاندێ كەنیسەیا ڕووسی كەیفخۆشییا خۆ ب سەرەدانا هەرێما كوردستانێ دەربری، هەروەسا پەسنا پێكڤەژیانا دناڤ پێكهاتەیێن ئایینی و نەتەوەیاندا ل هەرێما كوردستانێ كر، سوپاسی و پێزانین بۆ پاراستنا ماف و ئازادییا وان دەربری.
ژلایێ خۆڤە نێچیرڤان بارزانی ئەڤە سەرەدانە ب نیشانەكا گرنگ بۆ پشتەڤانیكرنا هەرێما كوردستانێ ل قەلەمدا، دووپاتكر كو هەرێما كوردستانێ شانازیییێ ب كولتوورێ پێكڤەژیانێ و ئێك و دوو قەبوولكرنێ و لێبوورینا دناڤبەرا پێكهاتەیاندا دبەت و دێ هەردەم پارێزەرا ئەوی كولتووری بیت.