فه‌رمانگه‌ها میدیا و زانیارى راگه‌هاند، رێ ب چ كه‌نالان ناهێته دان رویدانێن تاوانان بهێنه روومالكرن و ئه‌ڤ یه‌كه بۆ پاراستنا رێكارێن لێكۆلینێ و ئاساییشا تاكى و كۆمه‌لگه‌هێ یه.
ل گۆڕه‌یى گشتانده‌كا سه‌رۆكایه‌تییا دیوانا جڤاتا وه‌زیران كو ئاراسته‌یى گشت وه‌زاره‌ت و سازیێن حكومه‌تێ كریه دیاربوویه، رێك ب چ كه‌نالان و په‌یچێن تۆرێن جڤاكى ناهێته دان دیمه‌ن و ڤیدیۆیێن روودانێن تاوانان و تۆمه‌تباران و جهـ و ده‌مێ تاوانان بهێنه روومالكرن.
ئه‌ڤ گشتاندنه ل سه‌ر بنه‌مایێ داخوازییا داواكارییا ده‌سته‌یا سه‌ربه‌خۆ یا مافێ مرۆڤى بۆ جڤاتا وزه‌یران هاتییه‌كرن، بۆ پاراستنا رێكا لێكۆلین و ئالیێن ده‌روونى و كۆمه‌لایه‌تى یێ ژیانا خه‌لكى و نه‌گوهۆڕینا روودانان بۆ دووبه‌ره‌كییا سیاسى و كۆمه‌لایه‌تى، ژبه‌ر ڤێ یه‌كێ رێ ناهێته دان روومالا راسته‌وخۆ و نه‌راسته‌وخۆ بۆ تاوان و تۆمه‌تبار بهێته‌كرن و ئه‌ڤه ژى بۆ سلامه‌تییا گشتى و ئاسایشا تاكى و كۆمه‌لگه‌هێ یه و رێزگرتن ل سه‌ر بنه‌مایێ لیكۆلینێن یاسایى و بنه‌مایێ مافێ مرۆڤى.