ئەڤڕۆ چارشەمبی 17 ی ئیلۆنا 2025 ێ، ب سەرپەرشتییا سەرۆکوەزیران مەسرور بارزانی، جڤاتا وەزیرێن هەرێما کوردستانێ کۆمبوو.
داوی پێشهاتێن دۆسیەیا هنارتنا نەفتا هەرێمێ و بابەتێ داهاتێن نە نەفتی و موچە و شایستێن دارایی یێن موچەخۆرێن هەرێمێ و گوتۆبێژێن میکانیزم و ڕێکارێن بجهئینانا پابەندییا حکومەتا فیدرالی و حکومەتا هەرێما کوردستانێ، لدووڤ بڕیارا جڤاتا وەزیرێن هەردو ئالیان و لێکتێگەهشتنا هەڤپشك هاتە پەسەندکرن ژ لایێ هەردو ئالیان.
حکومەتا هەرێما کوردستانێ دیار کر :پێدڤییە وەزارەتا دارایا فیدرالی دەملدەست موچه‌یێ هه‌یڤێن تەمۆزێ و تاباخا 2025 یێن موچه‌خۆران خه‌رج بکه‌ت و ژ نوکه و پێڤه ژى، وه‌کى به‌شێن دی یێن عیراقێ، موچه‌خۆرێن هه‌رێما کوردستانێ وه‌کو هه‌ڤتایێن وان تەماما موچه‌یێن خوۆ د ده‌مێ خۆ دا وه‌ربگرن.
هەروەسا گۆتیە، حکومەتا هەرێما کوردستانێ، هەموو ئەرک و پابەندیێن خۆ یێن دەستووری و هەموو نەرمییەک نیشان دایە، بۆ نەهێلانا هەموو ئاریشە و ئاستەنگێن تەکنیکی یێن بۆ نەهنارتنا موچەیی کرینە بەهانە.
لەوما نابیت ئێدی، ئەڤ بابەتە ببنە رێگر ل هەمبەر مەزاختانا موچەیێ موچەخۆرێن هەرێما کوردستان.
.ژبەرکو مافەکێ یاسایی و رەوایێ وانە، دڤێت موچەیێن وان ژلایێ حکومەتا فیدرالیڤە بهێنە هنارتن.
هەروەسا جڤاتا وەزیران دوپاتکریە، هەرێما کوردستانێ وەک قەوارەکێ فیدڕالی، مافێ پیادەکرنا دەستهەلاتێ و تایبەتمەندیێن دارایی یێن دەستووریێن خۆ هەیە.