گۆرێن د بەنداڤا میسل دا هاتینە دیتن بۆ مۆزەخانا دهۆکێ دهێنە ڤەگوهاستن و ل وێرێ دێ هێنە سەخبێریکرن و نووژەنکرن.
د. بێکەس بریفکانی، رێڤەبەرێ شوینوار و کەلەپۆرێن پارێزگەها دهۆکێ بۆ ئاکرێ نیۆز راگەهاند: پشتی کو تیمێن وان ئەو ژمارا گۆران دەرئێخستی کو دبنە 40 گۆر نوکە ئەو قویناغ قویناغ ل سەر وان گوران کار دکەن، د نوکە دا رەخودورێن وان دهێنە کۆلان و تیمێن وان کار ل سەر راپێچانا وان گۆران دکەن ژبو کو ل دەمێ دهێنە ڤەگۆهاستن دا ژناڤنەچن.
د. بێکەس راگەهاند: پشتی ئەو گۆرە ب تەمامی دهێنە دەرێخستن دێ بۆ مۆزەخانا دهۆکێ هێنە ڤەگوهاستن و ل دویڤ دا دێ کارێ سەخبێریکن، نووژەنکرن و لێکۆلینێ ل سەر هێتەکرن
دەربارەی مێژوایا وان گۆران رێڤەبەرێ شوینوار و کەلەپۆرێن دهۆکێ ئاشکرا کر: ئەڤ گۆرە یێن سەردەمێ هێلینستی و سلوقی نە و مێژوویا وان بۆ بەری دو هزار و 300 سالان ڤەدگەریت.