كۆماپنییا سۆمۆ راگه‌هاند، گرێبه‌ست و پابه‌ندبوونێن ل گه‌ل وان كۆمپانییان ته‌مام بووینه یێن په‌ترۆلا هه‌رێما كوردستانێ دكڕن.
رێڤه‌به‌رێ گشتى یێ كۆمپانییا سۆمۆ یا ب بازاركرنا په‌ترۆلا ئیراقێ راگه‌هاند، هه‌مى گرێبه‌ست و پابه‌ندبوونێن ل گه‌ل وان كۆمپانییان ته‌مام بووینه یێن په‌ترۆلا هه‌رێما كوردستانێ دكڕن و هنارتنا وێ په‌ترۆلێ دێ هه‌یبه‌تا ئیراقێ بۆ ژێده‌رێ سه‌ره‌كى یێ هنارتنێ بۆ بازارێ ئه‌ورۆپا ڤه‌گه‌ڕینیت.
عه‌لى شه‌ترى، رێڤه‌به‌رێ گشتى یێ كۆمپانییا سۆمۆ ئاشكراكر، حكومه‌تا فیدرالى و حكومه‌تا هه‌رێما كوردستانێ و كۆمپانیێن به‌رهه‌مهێنه‌ر یێن په‌ترۆلێ پێدڤى ب ته‌مامكرنا میكانزما بجهئینانا یاسایا بودجه‌یى هه‌یه و د ڤى وارى دا گه‌هشتینه لێكتێگه‌هشتنه‌كا باش، بزاڤ ژى به‌رده‌وامن بۆ گه‌هشتن ب رێككه‌فتنا دوماهییێ كو رێكێ ب ده‌ستپێكرنا هنارتنا په‌ترۆلێ بۆ به‌نده‌رێ جه‌یهان یێ توركیا دده‌ت.
هه‌روه‌سا ئاشكراكریه، نووكه په‌ترۆلا هه‌رێما كوردستانێ ناهێته هنارتن به‌لكو ل ناڤخۆ بكاردهێت و ل گۆه‌ڕیى یاسایا بودجه‌یى كار دهێته‌كرن.