جاره‌كا دى كۆمبوونا جڤاتا ده‌وله‌تێ بڕیاردان ده‌رباره‌یى داهاتێ نه‌نه‌فتى یێ هه‌رێما كوردستانێ پاشئێخست و سوبه‌هى دێ كۆمبوون هێته‌كرن.
پێشتر جڤاتا وه‌وزیران بڕیار دا دۆسییا نه‌نه‌فتى یا هه‌رێما كوردستانێ بۆ جڤاتا ده‌وله‌تێ بهنێریت و ژ روویێ یاسایى ڤه دیتنا خۆ ل سه‌ر دیار بكه‌ت، ل ده‌مه‌كى رێككه‌فتن ل سه‌ر رێژه‌یا داهاتێ نه‌نه‌فتى هاتییه راستڤه‌كرن كو ئێك بوو ژ ئاسته‌نگێن هه‌مبه‌رى هنارتنا مووچه‌یى.
ئه‌ڤرۆ سێشه‌مبێ 16-9-2025ێ جڤاتا ده‌وله‌تێ ب سه‌رپه‌رشتییا دادوه‌ر كه‌ریم خه‌سباك كۆمبوو، هه‌ر دو شیره‌تكارێن وه‌زاره‌تێن دارایى و داد یێن هه‌رێما كوردستانێ ئاماده ببوون.
ل گۆڕه‌یى زانیارییان كۆمبوونا جڤاتێ كو بۆ بڕیاردان لسه‌ر ئێكلاكرنا پرسا راوێژییا یاسایى بۆ جڤاتا وه‌زیران ل سه‌ر داهاتێ نه‌نه‌فتى یێ هه‌رێما كوردستانێ بهێته‌كرن لێ كۆمبوون بۆ سوبه‌هى 17-9-2025ێ هاته پاشخستن.
سێ مه‌هن ل سه‌ر ئێك حكومه‌تا ئیراقێ ب به‌هانه‌یێن جودا مووچه‌یێن فه‌رمانبه‌رێن هه‌رێما كوردستانێ ناهنێریت و حكومه‌تا هه‌رێمێ ژى ب به‌رده‌وامى شاندان بۆ چاره‌كرنا كێشه‌یان ره‌وانه‌یى به‌غدایێ دكه‌ت و ب ئێك ژ مژارێن گرنگ و سه‌ره‌كى یێن كارێ خۆ دده‌ته دیاركرن.