پۆلیسێن ئاكرێ ئاگه‌هدارییا وه‌لاتییان دكه‌ت، كو د ده‌مێ بۆرى دا كه‌سه‌ك ل وه‌لاتێ هۆله‌ندا ب رۆله‌كى رادبیت كو كه‌سایه‌تییه‌ك یان ئه‌فسه‌ره و په‌یوه‌ندیێ ب وه‌لاتییان دكه‌ت، ب تایبه‌ت ژى دكاندار و بریكارێن فایبه‌ر و واتسئاپى و داخوازا گوژمێن پاره‌یى دكه‌ت كو بۆ وى بهێنه ره‌وانه‌كرن.
پۆلیسێن ئاكرێ دیاردكه‌ت، ژئالییێ نڤیسینگەها نەهێلانا خراب بکارئینانا ئامیرێن پەیوەندیان ل ئاكرێ دیڤچوون و لێكۆلین هاتینەکرن و ناسنامه‌یا تۆمەتباری و جهێ وی هاتییە دیارکرن کو تۆمەتبار بناڤێ ( ش . ل . م ـ تەمەن 40 سال ) کو نوكه ئاکنجییێ وەلاتێ هۆلەندایە.
پۆلیسێن ئـاکـرێ ب هه‌ڤكارى ل گەل پۆلیسێن ئەرنتەپۆلێ د بزاڤان دانه بۆ دەستەسەرکرنا تۆمەتباری کو ب فەرمانا دادوەرێ لێكۆلینان ل ئاکرێ دۆز بۆ ڤێ تاوانێ هاتییە ڤەکرن و فەرمانا گرتنێ بۆ وی دەرچوویە لدویف بەندێ ( 2 ژ یاسا خراب بکارئینانا ئامیرێن پەیوەندیا). دێ سه‌رده‌ری ل گه‌ل هێته‌كرن.
پۆلیسێن ئاكرێ داخوازێ ژ وه‌لاتییان دكه‌ت، ئاگەهدارى خۆ بن و خۆ ژ ڤان جۆره ره‌فتار و مرۆڤان دویر بكه‌ن، لدەمێ هەبوونا ڤان حالەتان ژى پەیوەندیێ ب پۆلیسێن ئـاکـرێ بکەن.