ترامپی بریارەک بۆ لێپرسینا تۆند بەرامبەر سوتن و بێرێزیکرنا ئالایێ ئەمریکا ئیمزا کر و ژ داواکارییا گشتی خواست ب تۆندترین شێوە سزابدەت.
دونالد ترەمپ، سەرۆکێ ئەمریکا بریارەکا نوی دەرکر کو تێدا داخواز ژ داواکارییا گشتی دکەت ب تۆندی رووبرووی وان کەسان ببیت یێن بێرێزیێ بەرامبەر ئالایێ ئەمریکا دکەن.
وەکە د بریارێ دا هاتی، پێدڤییە داواکارییا گشتی ب تۆندی لێپرسینێ ل وان کەسان بکەت کو ب شێوازەکێ نەجوان رەفتارێ ل گەل ئالایێ ئەمریکا دکەن، سزا ژی، زیندانکرن، دیپۆرتکرن،هەلوەشاندانا مافێ ئاکنجیبوونێ و راگرتنا رێکارێن پێدانا رەگەزنامەیێ ب خۆڤە بگرن، تایبەت کەسێن بیانی.
ل گۆرەی بریارا ترەمپی ئیمزا لسەر کری، ئالایێ ئەمریکا هێمایەکێ پیرۆز و بها یێ نەتەوەییە و پێدڤییە هەمی ئەمریکی دبن سیبەرا خۆ دا ئێکبگرن، هەڤدەم کریارا سوتن و پیسکرنا ئالایی ب کریارەکا پری رەق و کین بەرامبەر نەتەوەیا ئەمریکا وەسف کریە.
ئەڤ گاڤا ترەمپی بەرامبەر پاراستنا پیرۆزیا ئالایێ ئەمریکا نە تشتەکێ نوی یە، ل سالا 2016ێ ژی ترەمپی دژاتییا خۆ بۆ بێرێزیکرنێ ب ئالایێ ئەمریکا دیارکربوو و گۆتبوو: پێدڤییە رێ ب چ کەسان نەهێتە دان ئالایێ ئەمریکا بسوژیت و ئەگەر وەبکەن ژی پێدڤییە باجا وێ یەکێ بدەن.