كونسۆلا نوى یا ئه‌مریكا ل هه‌رێما كوردستانێ خواست ئه‌نجامێن ڤه‌كۆلینێن هێرشێن درۆنى بۆ سه‌ر پترۆلگه‌هێن هه‌رێما كوردستانێ بهێنه ئاشكراكرن.
وێندى گرین، كونسۆلا نوى یا ئه‌مریكا ل هه‌رێما كوردستانێ و ستیڤ بیتنه‌ر، كونسۆلێ پێشتر یێ ئه‌مریكا ل هه‌رێمێ سه‌ره‌دانا وه‌زیرێ ناڤخۆ یێ هه‌رێما كوردستانێ رێبه‌ر ئه‌حمه‌د كرن.
هه‌ردو كونسۆلێن ئه‌مریكا هێرشێن درۆنى یێن هه‌یڤا بۆرى بۆ سه‌ر كێلگه‌هێن پترۆلا هه‌رێمێ ژلایێ هژماره‌كا كۆمپانیێن ئه‌مریكى و وه‌لاتێن دى دهێنه برێڤه برن، شه‌رمزار كرن.
هه‌ردو كونسۆلان داخواز ژ به‌رپرسێن ئیراقێ كرن، ڤه‌كۆلینان د ڤى واریدا تمام بكه‌ن و لێپرسین دگه‌ل ئه‌نجامده‌ران بهێته كرن.
د هه‌ردو هه‌یڤێن خزیرانێ و تیرمه‌ها بۆرى دا، 52 هێرشێن درۆنى بۆ سه‌ر هه‌رێما كوردستانێ و كێلگه‌هێن وێ یێن پترۆلێ هاتنه كرن، هێرش بوونه ئه‌گه‌رێ راوه‌ستاندنا به‌رهه‌مئینانا پترۆلێ ل ڤان كێلگه‌هان.