وەزیرێ نافخۆ یێ حکوومەتا هەرێما کوردستانێ، دەربارێ وان درۆنێن کۆ ئاراستەی هەرێما کوردستانێ هاتنە کرن، ڕاگەهاند: لیژنەکا ڤەکۆلینا هەڤبەش دناڤبەرا حكوومەتا هەرێما كوردستانێ و عێراقێدا هاتیە چێکرن، نوکە لیژنە لسەر کارە، لیژنەکا تەكنیكییە، بۆ وێ ئێکێیە کۆ ئێکلایی بکەت ئەو جۆرە درۆن سەر ب کیش گرووپێنە كۆ ل عێراقێ هەیە، بۆ مە دیارە، بۆ سازیێن حكوومەتا فیدراڵی ژی دیارە کو کیش گرووپێ ئەو جۆرێ درۆنێ هەیە و بەری نوکە ئاڕاستەی كوردستانێ هاتیە کرن، ئەم دزانین ل کیڤە هاتنە چێکرن و چاوا هاتیە هاڤێتن و ئامانج ژی چ بوویە.
رێبەر ئەحمەد وەزیرێ نافخۆ یێ حکوومەتا هەرێما کوردستانێ گوتژی، هیڤیدارین لیژنەیا هەڤبەش بگەهیتە ڕاپۆرتەکا دادگەرانە و دەرئەنجامێ ڕاپۆرتێ بهێتە ڕاگەهاندن و ئەو لایەن و كەسێن ل پشت وی کارینە، بهێنە سزا دان.