ناڤێن بەربژارێن هەلبژارتنێن فدراسیۆنا تەپاپێ یا ئیراقێ هاتنە راگەهاندن، سێ کەس بۆ پۆستێ سەرۆکێ فدارسیۆنێ هاتینە هەلبژارتن ئێک ژوان دوبارە عەدنان درجالە.
لژنەیا هەلبژارتنان ناڤێن بەربژێرێن هەلبژارتنێن فدراسیۆنا تەپاپێی یا ئیراقێ بەلاڤکرن کو بریارە ل 16 ئیلۆنێ بهێنە کرن، پشتی کو داخوازیێن وان بۆ پشکداریکرنێ د هەلبژارتنان دا هاتینە قەبویلکرن ل گۆرەی پۆستێن وان داخوازکرین.
هەر ئێک ژ سەرۆکێ نها یێ فدراسیۆنێ عەدنان درجال مەتەر، یوونس مەحموود خەلەف ستێرا تەپاپێ یا ئیراقێ، ئەیاد بنیان محەمەد سەرۆکێ دەستەیا فدراسیۆنێ بۆ پۆستێ سەرۆکاتییا فدراسیۆنێ بەربژارن.
بۆ پۆستێ جێگرێ ئێکێ ژی شەش کەس ( عەلی جەبار، سەرمەد عەبدولئیلا، فارس عەبدوللا، ویسام یووسف، سەعەد عەبدولحەمید، حەکیم شاکر) بەربژارن.
هەڤدەم بۆ پۆستێ جێگرێ دویێ ژی دو کەس بەربژارن ( محەمەد شەکروون، عەلی جەبار) بۆ پۆستێ ئەندامبوونێ ژی لژنەیا هەلبژارتنان ناڤێن 18 کەسان ژێگرتینە و بەلاڤکرینە.