سەرۆکێ باژێرڤانیا شێخان راگەهاند، پتر ژ هزار و 500 ناڤێن فەرمانبەرێن سەنتەرێ قەزا شێخان هەتا نوکە گەهشتنە باژێرڤانیێ، هەر فەرمانبەرەکێ شایستەیێ وەرگرتنا پارچە عەردی بیت دێ ل دوویف کارتا ئاکنجیبوونێ کار لسەر کەین، هەر ئێک ل دەڤەرا خۆ دێ پارچا خۆ یا عەردی وەرگریت.
خالد نەرمۆ، سەرۆکێ باژێرڤانیا قەزا شێخان راگەهاند، ل دوویف بریارا حکوومەتا هەرێما کوردستانێ کار بۆ بلاڤکرنا پارچێن عەردی ل شێخان بەردەوامە و پشتی چەند رێکارێن پێدڤی دهێنە کرن هەمی فەرمانبەرێن مەرج ژێ دگرن دێ پارچەکا عەردی وەرگرن، کارەکێ مەزن بۆ بلاڤکرنا پارچێن عەردی ل سەر فەرمانبەرێن دەڤەرا شێخان هاتیە کرن ل نزیک دێ قۆناغا ئێکێ یا بلاڤکرنا پارچێن عەردی دەست پێکەت.
گوتژی، پرۆسا ئامادەکرنا پارچێن عەردی ل شێخان یا بەردەوامە ل سەنتەرێ باشوورێ شێخان عەرد هاتیە دەست نیشانکرن و پشتێ هەمی رێکارێن یاسایی ب دوماهیک دهێت دێ فەرمانبەر عەردی وەرگرن