ئه‌ڤرۆ ل ده‌مژمێر 7ى سپێدێ هه‌ر چار گه‌نج ل سه‌ر رویبارێ خازرى ل گوندێ قایماوه خه‌ندقینه و دو ژ وان برایێن ئێكن.
به‌ره‌ڤانیا باژێڕى یا ئاكرێ راگه‌هاند، ئه‌ڤرۆ سپێدێ 4-8-2025ێ چار گه‌نج ل سه‌ر رویبارێ خازرى ل گوندێ قایماوه خه‌ندقینه و دو ژ ون برایێن ئێكن و هه‌ر چار كه‌سێن خه‌ندقین ئاكنجیێن به‌رده‌ره‌ش یا بچویكن كو سه‌ر ب ده‌ڤه‌ردارییا به‌رده‌ره‌ش ڤه‌یه.
به‌ره‌ڤانییا باژێڕى یا به‌رده‌ره‌ش ئاشكرادكه‌ت، پشتى جه‌نازه‌یێن وان ژ ئاڤێ هاتینه ده‌رخستن بۆ نه‌خۆشخانه‌یا هاوارهاتنێ یا به‌رده‌ره‌ش هاتینه ره‌وانه‌كرن.
ناڤێن هه‌ر چار كه‌سێن خه‌ندقین:
ئوسامە محەممەد عەزیز؛ ژ دایكبوویێ 2003
مەحموود جەمال عەبدولواحید؛ ژ دایكبوویێ 2004
بیلال کەمال عەبدولواحید؛ ژ دایكبوویێ 2007
محەممەد کەمال مستەفا؛ ژ دایكبوویێ 2008
رویدانێن خه‌ندقینێ ل سنۆرێن پارێزگه‌ها دهۆكێ ل وه‌رزێ هاڤینێ زێده‌تر دبیت، ل ده‌مه‌كى به‌ره‌ڤانییا باژێڕى ل سه‌رانسه‌رى پارێزگه‌هێ رێنما به‌لاڤكرینه، لێ گه‌له‌ك جاران رویدانێن ژ نشكه‌كێ ڤه دروست دبن و دبیته ئه‌گه‌رێ ژ ده‌ستدانا ژیانا هنده‌ك كه‌سان.