سه‌رۆك نێچیرڤان بارزانى ل گه‌ل نوینه‌رێ سكرتێرێ گشتى یێ نه‌ته‌وه‌یێن ئێكگرتى كۆمبوو، كێشه‌یێن هه‌ولێر و به‌غدایێ ب دانوستاندن بهێنه چاره‌كرن.
سه‌رۆك نێچیرڤان بارزانى، ل گه‌ل محه‌مه‌د ئه‌لحه‌سسان، نوینه‌رێ تایبه‌تێ سكرتێرێ گشتى و نه‌ته‌وه‌یێن ئێكگرتى ل ئیراقێ كۆمبوو، دوماهى پێشهاتێن سیاسى یێن ئیراق و هه‌رێما كوردستانێ، په‌وه‌ندیێن هه‌ولێر و به‌غدایێ و دانوستاندن بۆ چاره‌كرنا كێشه‌یان و گه‌فێن درۆنى یێ ل سه‌ر هه‌رێما كوردستانێ دهێنه كرن به‌حسكرن و ده‌رباه‌ریى رۆل و كرنامه‌یا تیمێ نه‌ته‌وه‌یێن ئێكگرتى بۆ وى ده‌مێ ل ئیراقێ مایى دیتنین خۆ ل هه‌ڤ گوهارتن.
نێچیرڤان بارزانى زێده‌بارى بلندنرخاندن و ئاماده‌یی و رۆلێ یو ئێنێ ل ئیراقێ، دوپاتكر كو پێدڤی و گرنگه كێشه‌یێن هه‌ولێر و به‌غدایێ ب رێكا دانوستاندنان و مسۆگه‌ركرنا مووچه و مافێن دارایى یین هه‌رێما كوردستانی ل گۆڕه‌یى رێككه‌فتنان بیت.
هه‌روه‌سا سه‌رۆكێ هه‌رێمێ ئاشكراكر، رێگرى ل هێرشین درۆنى بۆ سه‌ر هه‌رێما كوردستانێ بهیته‌گرتن ب پێدڤى ب ئارامى و سه‌قامگیرییا ئیراقێ ل قه‌له‌م دا.
ژ ئالیێ خۆ ڤه ئه‌لحه‌سسان، زێده‌بارى ده‌ربڕینا دلگرانییێ ژ هێرشێن درۆنى و پێدڤییا رێ لێ گرتنێ، هه‌مى پشته‌ڤانییا نه‌ته‌وه‌یێن ئێكگرتى بۆ چاره‌كرنا كێشه‌یێن هه‌ولێر و به‌غدایێ بۆ هنارتنا مافێن دارایى یێن هه‌رێما كوردستانێ و پاراستنا ئارامى و سه‌قامگێرییا وه‌لاتى دوپاتكر و دوماهى پێشهاتێن ره‌وشا رۆژهه‌لاتا ناڤین ژى به‌حسكرن