ب سەرپەرشتییا سەرۆكێ جڤاتا وەزیران، جڤاتا وەزیران کۆمبوونا ئاسایی یا هەفتانە یا خۆ دکەت و چەند بڕگەک دێ تێدا هێنە گوتوبێژ کرن.
ئەڤڕۆ چارشەمبی 2 /7 /2025، ب سەرپەرشتییا مەسرور بارزانی، سەرۆكێ جڤاتا وەزیران، جڤاتا وەزیران دێ کۆمبیت و دوو بڕگەیان گوتوبێژ کەت، د بڕگەیا ئێکێدا دەرەنجامێ کۆمبوونێن ڤێ دوماهیکێ یێ ڕۆژێن 29 /6 /2025 هەتا 1 /7 /2025، دناڤبەرا شاندێ حكوومەتا هەرێما كوردستانێ و شاندێ حكوومەتا فیدراڵی ب ئامادەبوونا نوێنەرێ كۆمپانیایێن نەفتی، دەربارێ دەستپێكرنا هنارتنا نەفتا هەرێما كوردستانێ برێکا كۆمپانیا سۆمۆ و دیفچوونا مەزاختنا مووچەیێن هەردوو هەیڤێن ئايار و حوزەیرانا مووچەخۆرێن هەرێما كوردستانێ، دێ هێتە گوتوبێژ کرن.
د بڕگەیا دووێ یا کۆمبوونێدا، ڕاپۆرتا وەزارەتی كار و كاروبارێن جڤاکی دەربارێ خانەنشینی و دەستەبەرێ جڤاکی یا كرێكاران ل هەرێما كوردستانێ، هەروەسا پێشكێشكرنا ئامار و زانیاریی پێشدەچوونان دڤی واریدا و پێشكێشكرنا ڕاسپاردە و پێشنیار دهێتە گوتوبێژ کرن.